ब्राजिल विरूद्ध बेल्जियमको अग्रता

काठमाडौं- जारी विश्वकप फूटबल अन्तर्गत शुक्रबारको दोस्रो क्‍वाटरफाइनलमा बेल्जियमले अग्रता लिएको छ । खेलको १३ औ मिनेटमा पहिलो गोल गर्दै बेल्जियमले अग्रता लिएको हो । 

ब्राजिलका खेलाडीले गरेको हेडले पोस्टको दिशा लिएपछि ब्राजिल एक गोले पछि परेको छ। कर्नरबाट आएको बललाई क्लिएर गर्ने क्रममा फर्नाडिन्होले गरेको हेडले ब्राजिलको आफ्ने पोस्टको जाली चुमेको हो।

प्रतियोगितामा मेक्सिकोलाई हराउँदै ब्राजिल तथा जापानलाई हराउँदै बेल्जियम क्वार्टरफाइनलमा पुगेका हुन् ।

समूह चरणको पहिलो खेलमा स्विट्जरल्याण्डसँग १–१ गोलको बराबरी खेलेको ब्राजिलले त्यसपछि भने कोष्टा रिका र सर्वियालाई हराएको थियो ।  बेल्जियमले समूहका तीनवटा खेलमा ट्युनिसिया, पानामा र इंग्ल्याण्डलाई हराएको थियो ।

पहिलो क्‍वाटरफाइनलमा फ्रान्सले उरुग्‍वेलार्इ २-० ले पराजित गर्दै सेमिफाइनलको यात्रा तय गरेको छ ।