बेलायतमा नयाँ भेरियन्टको खतरा बढेपछि मंगलबारदेखि मास्क अनिवार्य

कोरोनाको नयाँ भेरियन्ट ओमीक्रोन भेटिएपछि बेलायतमा सरकारले पसल तथा सार्वजनिक यातायातमा मास्क अनिवार्य गरेको छ।

नेपाल समय | आइतबार, मंसिर १२, २०७८

नेपाल समय

आइतबार, मंसिर १२, २०७८

बेलायतमा नयाँ भेरियन्टको खतरा बढेपछि मंगलबारदेखि मास्क अनिवार्य

प्रतिनिधि तस्बिर।

लण्डन- कोरोनाको नयाँ भेरियन्ट ओमीक्रोन भेटिएपछि बेलायतमा सरकारले पसल तथा सार्वजनिक यातायातमा मास्क अनिवार्य गरेको छ। बेलायमा सोमबार नयाँ भेरियन्टका दुई जना संक्रमित पुष्टि भएको बेलायती स्वास्थ्यमन्त्री साजिद जावेदले जनाएका थिए।

उनले नयाँ ओमिक्रोन भेरियन्टको खतरा बढ्दै गएपछि मंगलबारदेखि बेलायतका पसल र सार्वजनिक यातायातमा जाँदा फेस मास्क प्रयोग गर्नु पर्ने घोषणा गरेका हुन् ।

यसअघि प्रधानमन्त्री बोरिस जोनसनले विदेशबाट आउने सबैको पीसीआर परीक्षण गर्नुपर्ने घोषणा पनि गरेका थिए।

बेलायतले १० नयाँ रेडलिस्टमा परेका देशहरूबाट आउनेलाई १० दिनसम्म क्वारेन्टाइनमा बस्‍नुपर्ने नियम लागु गरेको छ। नयाँ कोरोना भाइरसको भेरियन्ट देखा परेपछि सरकारले अफ्रिकाका केही देशबाट उडान रोक्ने निर्णयसमेत गरेको छ।

प्रकाशित: Nov 28, 2021| 23:35 आइतबार, मंसिर १२, २०७८