पुर्व विश्वविजेता फ्रान्स र उरुग्वे भिड्दै

काठमाडौं- रुसमा जारी विश्वकप अन्तर्गत शुक्रबार पहिलो क्वाटरफाइनलमा दुई पटकको विजेता उरुग्वे र १९९८ को विजेता फ्रान्स भिड्दै छन्। उरुग्वेका लागि एडिन्सन काभानी घाइते भएका कारण खेलमा उपथित हुने छैनन् भने अर्को तर्फ, फ्रान्सका लागि मिडफिल्डर ब्लेज माटुइडी प्रतिबन्धित छन्। 

उरुग्वेकालार्इ काभानीको अनुपस्थिती ठूलो धक्का लाग्ने अनुमान गरिएको छ। प्रि–क्वाटरफाइनलमा उनकै दुई गोलमा उरुग्वेले पोर्चुगललाई २-१ गोलले हराएको थियो।

उरुग्वे आफ्नो रक्षात्मक खेलका लागि चिनिने गर्छ र ४ खेलमा ७ गोल गर्दै केवल १ गोल खाएको छ। तर सर्वाधिक गोलकर्ता काभानीको अनुपथितिले खेल अघि फ्रान्सलाई यस खेल जित्ने दाबेदार मानिएको छ। 

फ्रान्सले अहिलेसम्म प्रतियोगितामा ७ गोल गर्दै ४ गोल खाएको छ। उसका लागि युवा खेलाडी किलियन एम्बाप्पेले सर्वाघिक ३ गोल गरेका छन्।