नेपालले चौथो ओभरमै पूरा गर्‍यो कुवेतले दिएको सामान्य लक्ष्य

आईसीसी विश्वकप २०२३ को एसियाली छनोट खेलिरहेको नेपाली महिला टिमले बिहीबार कुवेतसँगको खेलमा ९ विकेटको जित निकालेको छ।

नेपाल समय | बिहीबार, मंसिर ९, २०७८

नेपाल समय

बिहीबार, मंसिर ९, २०७८

नेपालले चौथो ओभरमै पूरा गर्‍यो कुवेतले दिएको सामान्य लक्ष्य

काठमाडौं- आईसीसी विश्वकप २०२३ को एसियाली छनोट खेलिरहेको नेपाली महिला टिमले बिहीबार कुवेतसँगको खेलमा ९ विकेटको जित निकालेको छ।

टस हारेर फिल्डिङको अवसर पाएको नेपालले २८ रनको लक्ष्य पाएको थियो। कुवेत १५ ओभर चार बल मैदानमा टिकेर २७ रन बनाएको थियो। जवाफी ब्याटिङमा नेपालले तीन ओभर तीन बल खेल्दै एक विकेट गुमाएर लक्ष्य पुरा गरेको हो।

नेपालकी रुविना क्षेत्रीले १२ रन बनाइन भने इन्दू वर्माले १३ रन जोडिन्। ओपनर सिता राना मगर भने शून्य रनमै आउट भइन्।

कुवेतकी मरिया जास्वीले एक विकेट लिइन्। त्यसअघि कुवेनका परियादा मुरलीले १० रन बनाउनुबाहेक अन्य खेलाडीले जोर अंकमा रन बनाउन सकेनन्। कुवेतका छ खेलाडी शून्य रनमै आउट भए।

खेलमा संगीता राईले तीन विकेट लिइन्। नेपालका करुणा भण्डारी र रुविना क्षेत्रीले समान दुई/दुई विकेट लिए भने सरस्वती कुँवरले एक विकेट लिइन।