विश्वकप छनोट : नेपालले आज कुवेतको सामना गर्दै

काठमाडौं- आईसीसी विश्वकप २०२३ को एसियाली छनोटअन्तर्गत बिहीबार नेपाली महिला क्रिकेट टिमले कुवेतको सामना गर्नेछ।

दिउँसो सवा ११ बजेबाट दुबईस्थित आईसीसीको क्रिकेट एकेडेमीमा हुने खेलमा नेपालले कुवेतको सामना गर्न लागेको हो। 

नेपालले यसअघि दुई खेल खेलिसकेको छ। त्यसमध्ये नेपालले एक खेलमा हार र एक खेलमा जित निकालेको छ।

नेपालले पहिलो खेलमा हङकङको सामना गरेको थियो। त्यो खेलमा नेपालले हार बेहोरे पनि भुटानविरुद्ध सानदार जित निकालेको थियो। अहिले तेस्रो खेलमा नेपालले कुवेतको सामना गर्न लागेको हो।

विश्वकप एसियाली छनोटमा नेपालसहित भुटान, हङकङ, यूएई, कुवेत, र मलेसिया खेल्दै छन्। छनोटमा दुई खेलमा जित निकालेको यूएई चार अंकका साथ शीर्षस्थानमा छ भने नेपाल, मलेसिया, हङकङ र भुटानको समान २-२ अंक छ। अंक विहीन कुवेत तालिकाको अन्तिममा छ। यो छनोटको शीर्षस्थानमा रहने टिमले ग्लोबल छनोट खेल्न पाउनेछ।