कांग्रेस अधिवेशन : बैतडीमा मतगणनाका क्रममा रक्सीको बोतल प्रहार, एकजना घाइते

नेपाली कांग्रेस बैतडी प्रदेश क्षेत्रीय अधिवेशनअन्तर्गत क्षेत्र नम्बर (ख)को मतगणना भइरहेका बेला एकजनामाथि रक्सीको बोतल प्रहार भएको छ।

नेपाल समय | आइतबार, मंसिर ५, २०७८

नेपाल समय

आइतबार, मंसिर ५, २०७८

कांग्रेस अधिवेशन : बैतडीमा मतगणनाका क्रममा रक्सीको बोतल प्रहार, एकजना घाइते

बैतडी– नेपाली कांग्रेस बैतडी प्रदेश क्षेत्रीय अधिवेशनअन्तर्गत क्षेत्र नम्बर (ख)को मतगणना भइरहेका बेला एकजनामाथि रक्सीको बोतल प्रहार भएको छ।

रक्सीको बोतल लागेर दशरथचन्द नगरपालिका वडा नम्बर ६ का कांग्रेस नेता अर्जुन रावलको टाउकोमा चोट लागेको जिल्ला प्रहरी कार्यालय बैतडीका निमित्त प्रहरी प्रमुख बोधराज ओझाले जानकारी दिए।

रातीको दश बजेको समयमा रावलमाथि अध्याँरोमा एक्कासी बोतलले हिर्काएको जनाइएको छ। घाइते रावलको जिल्ला अस्पतालमा उपचार भइरहेको छ।

रावलमाथि बोतल प्रहार गर्नेको खोजी भइरहेको प्रहरीले जनाएको छ। तर, बैतडीका सभापति शिवराज भट्ट समूहले भने चतुर चन्द समूहका व्यक्तिले उक्त बोतल प्रहार गरेको आरोप लगाएको छ।

अहिले मतगणनास्थलमा प्रहरीको बाक्लो उपस्थिती रहेको छ। मतगणना कार्य जारी रहेको निर्वाचन समितिले जनाएको छ।

प्रकाशित: Nov 21, 2021| 09:05 आइतबार, मंसिर ५, २०७८