नवजात शिशुलाई चिसोबाट जोगाउन के गर्ने?

काठमाडौं- जाडो मौसममा रुघाखोकी, ज्वरो र संक्रमणको जोखिम बढी हुन्छ। यस्तो अवस्थामा यस मौसममा नवजात शिशुको बढी ख्याल राख्नुपर्छ। नवजात शिशुहरुमा कमजोर प्रतिरोधात्मक क्षमता हुन्छ, त्यसैले उनीहरु संक्रमण र रोगहरु को लागी अधिक कमजोर हुन्छन्। छालासम्बन्धी समस्या पनि आउन सक्छ। त्यसैले यो मौसममा नवजात शिशुको ख्याल राख्नु निकै जरुरी हुन्छ। 

यदि धेरै चिसो छैन भने तपाईले बच्चालाई दिनहुँ नुहाउनु पर्छ। तर चिसो बढ्यो भने बच्चालाई हरेक दिन नुहाउन सम्भव हुँदैन। जाडोयाममा मनतातो पानीमा तौलिया भिजाएर बच्चाको शरीर पुछ्नुहोस्। ध्यान दिनुहोस् कि बच्चालाई संक्रमणबाट जोगाउन उसको लुगा दिनको दुई पटक परिवर्तन गर्नुहोस्।

जाडोमा आफ्नो बच्चालाई दैनिक तेलले मालिस गर्नुहोस्। यसो गर्दा उसको छालाको आर्द्रता कायम रहन्छ र हड्डी पनि बलियो हुन्छ। यसका लागि मनतातो तोरी, ओलिभ वा नरिवलको तेलले बच्चालाई मसाज गर्न सकिन्छ।

जाडोको घाम बच्चाको लागि धेरै महत्त्वपूर्ण छ। जाडोमा नुहाएर वा लुगा फेरेपछि बच्चालाई लिएर केही समय घाममा बस्ने। यसले बच्चालाई भिटामिन डी प्रदान गर्छ, जसले उसको हड्डी बलियो बनाउँछ।

कहिलेकाहीँ हामी बच्चालाई चिसोबाट जोगाउन धेरै लुगा लगाउँछौं वा बाक्लो कपडाले छोप्छौँ। तर यसका कारण बच्चाको छालाले सास फेर्न नसक्ने र असहज महसुस गर्छ। जाडोमा बच्चालाई चिसोबाट जोगाउन बाक्लो कपडा लगाउनुहोस् तर धेरै कपडा नलाउनुहोस्। यससँगै बच्चाको हत्केला, टाउको र पैतालाहरू छोप्नुहोस्।

जाडोमा आफ्नो बच्चालाई चिसोबाट जोगाउन हिटर वा ब्लोअर प्रयोग नगर्नुहोस्। यसबाट निस्कने सुख्खा हावा बच्चाको स्वास्थ्यका लागि हानिकारक हुन्छ।