कोभिड संक्रमण साउनमै 'पिक'मा पुग्ने सरकारी प्रक्षेपण

काठमाडौं– सरकारले आगामी पाँच महिनामा कोरोना संक्रमणको अवस्थाको प्रक्षेपण गरेको छ। बिहीबार प्रतिनिधिसभा स्वास्थ्य समितिको बैठकमा स्वास्थ्य मन्त्रालयले गरेको प्रक्षेपण प्रस्तुत गरिएको थियो। 

प्रक्षेपणअनुसार अबको ५ महिनामा झण्डै २ लाख कोरोना संक्रमित थपिनेछन्। सबैभन्दा धेरै साउनमा हुने र त्यसपछि विस्तारै घट्दै जाने मन्त्रालयको प्रक्षेपण छ। तथ्यांक प्रस्तुत गर्दै स्वास्थ्य मन्त्रालयका नीति योजना तथा अनुगमन महाशाखाका प्रमुख डा. गुणराज लोहनीले ५ महिनामा १ लाख ९३ हजार ८५६ जना कोरोना संक्रमित थपिने बताए। 

उनका अनुसार साउनमा ५३ हजार ३०७, भदौमा ४५ हजार ७२६, असोजमा ३८ हजार ५९७, कात्तिकमा ३१ हजार ४४ र मंसिरमा २५ हजार १८३ जना कोरोना संक्रमित थपिनेछन्। 

उनीहरुमध्ये ९ हजार ६९३ जना गम्भिर बिरामी हुने र उनीहरुलाई संघन उपचार आवश्यक पर्ने  मन्त्रालयको प्रक्षेपण छ भने ३८ हजार ७७१ जनालाई उपचार सेवा आवश्यक पर्नेछ।