रुविनाको अर्धशतकमा नेपालले कतारलाई दियो १३० रनको लक्ष्य

काठमाडौं– कतारको दोहामा जारी तीन खेलको टी २० आई सिरिजअन्तर्गत दोस्रो खेलमा नेपालले आयोजक कतारलाई १३० रनको लक्ष्य प्रस्तुत गरेको छ। टस जितेर ब्याटिङ रोजेको नेपालले पूरा ओभर खेल्दै ६ विकेटको क्षतिमा १२९ रन बनाएको हो।

नेपालका लागि कप्तान रुविना क्षेत्रीले ५० रनको अर्थसतकिय पारी खेलिन्। उनले ४८ बलमा चार चौका र एक छक्काको सहयोगमा सो रन जोडेकी हुन्। यससँगै रुविना टी २० आईमा अर्धसतक बनाउने दोस्रो खेलाडी बनेकी छन्।

त्यस्तै, अप्सरी बेगमले १७ बलमा २३ रन बनाइन्। नेपालका लागि ओपनर कविता कुँवरले ३० बलमा ३१ रन जोडिन् भने ज्योति पाण्डे, काजल श्रेष्ठ, सरिता मगर र डोली भट्टले सम्झनलयक प्रदर्शन गर्न सकेनन्। पाण्डेले ६, श्रेष्ठले ३ र मगरले ४ रन मात्र जोड्न सकिन्। डोली भट्ट शून्य रनमा बाहिरिइन्।

कतारका लागि एन्जिलनी मारेले दुई विकेट लिइन् भने एलिन खान, सबिजा पनय र साची धद्वलले समान १–१ विकेट लिए।

कतारसँगको सिरिजको पहिलो खेलमा अर्धसतक बनाएकी इन्दु वर्मा भने आजको खेलमा अनुपस्थित थिइन्। पहिलो खेलमा उनी रिटायर्ड आउट भएकी थिइन्।

पहिलो पटक टी २० आई अन्तर्राष्ट्रिय सिरिज खेलेको नेपालले पहिलो खेलमा जित निकालेको छ। यससँगै नेपाल १–० ले अघि छ। आजको खेलमा जित निकाले नेपालले सिरिज जित्नेछ।