भारतबाट चोरेर ल्याएको सुनका गहना र विभिन्‍न देशका मुद्रासहित दुईजना पक्राउ

धनगढी- प्रहरीले कञ्‍चनपुरबाट ठूलो मात्रामा सुनका गहना र विभिन्‍न देशका मुद्रासहित दुई जनालाई पक्राउ गरेको छ। 

कञ्‍चनपुर बेलौरी नगरपालिका-१, फटैयाका ३८ वर्षीय लालबहादुर शाही र कैलालीको चिसापानीका ३५ वर्षीय बिष्णु शाहीलाई पक्राउ गरेको हो। नेपाल प्रहरी र सशस्त्र प्रहरीको संयुक्त टोलीले उनीहरुलाई पक्राउ गरेको हो। 

कञ्‍चनपुरको बेलौरी नगरपालिका–१, फटैयास्थित लालबहादुर शाहीको घरमा भारतको ब्याङ्लोरबाट नगद तथा गरगहनाहरु चोरी गरी ल्याएको भन्‍ने विशेष सूचनाको आधारमा खानतलासी गर्दा भारतबाट चोरीगरी ल्याएर घरमा लुकाइछिपाइ राखेको ल्याटप चार थान, सुनको गहना पत्थरसहित एक हजार चार सय ७१ दशमलव १८  ग्राम, बिना पत्थर चार सय ३९ दशमलव ८९ ग्राम, विभिन्न रंगरका पत्थर एक किलो नौ सय ९८ दशमलव ४१ ग्राम, भारतीय ४३ हजार दुई सय रुपैयाँ, हङकङ डलर ४०, थाईल्याण्ड भाट एक हजार दुई सय ६०, युएसए एक हजार पाँच, क्यानडिएन डलर दुई हजार आठ सय १०, मलेसियन रिंगट २३, सिंगापुर डलर १८, कतार रियाल एक, दुबई दिराम एक सय ३०, चाईनिज युवान एक सय ६१ बरामद भएको कञ्चनपुर प्रहरीले जनाएको छ।