बन्दका कारण कैलालीका चार पालिकामा कांग्रेसको अधिवेशन स्थगित

धनगढी- नेत्रविक्रम चन्द विप्लव समूहले गरेको नेपाल बन्दका कारण नेपाली कांग्रेस कैलालीका चार पालिकाको अधिवेशन प्रभावित भएको छ। 

कैलालीका १३ तहमध्ये धनगढी उपमहानगरपालिका, गौरीगंगा नगरपालिका, घोडाघोडी नगरपालिका र भजनी नगरपालिकाको अधिवेशन स्थगित भएको नेपाली कांग्रेस कैलालीका प्रचारप्रसार समितिका संयोजक नृप सुनारले जानकारी दिए। उनले स्थगित भएको चार पालिकामा बुधबार अधिवेशन हुनेसमेत जानकारी दिएका छन्।

उनका अनुसार बन्दको प्रभाव नपरेका अन्य पालिकामा भने चुनावी कार्यतालिका अनुसार नेतृत्व छनोट प्रक्रिया प्रारम्भ भएको छ।

मोहन्यालको सभापतिमा साउँद विजयी

कैलालीको मोहन्याल गाउँपालिका सभापतिमा कमल साउँद निर्वाचित भएका छन्। पालिका सभापतिका लागि मंगलबार मतदान भएको हो। प्रेम बुचामगरलाई पराजित गर्दै साउँद सभापतिमा विजयी भएका हुन्।

साउँदले ७५ मत ल्याए भने उनका प्रतिद्वन्द्वी बुचामगरले २७ मत ल्याए। गाउँपालिकाका अन्य पदाधिकारीमा पनि साउँदकै प्यानल निर्वाचित भएको छ। १०१ मतदाता रहेको मोहन्यालमा १०८ मत खसेको थियो। एक मत बदर भएको सहायक निर्वाचन अधिकृत अर्जुनप्रसाद उपाध्यायले जानकारी दिए।