बारले आज सर्वोच्चका दुवै ढोकामा धर्ना दिने

प्रधानन्यायाधीश चोलेन्द्र शम्शेर जबराविरुद्ध आन्दोलित नेपाल बार एसोसिएशनले आज सर्वोच्च अदालतका दुवै गेटमा धर्ना दिने भएको छ।

नेपाल समय | आइतबार, कात्तिक २८, २०७८

नेपाल समय

आइतबार, कात्तिक २८, २०७८

बारले आज सर्वोच्चका दुवै ढोकामा धर्ना दिने

काठमाडौं- प्रधानन्यायाधीश चोलेन्द्र शम्शेर जबराविरुद्ध आन्दोलित नेपाल बार एसोसिएशनले आज सर्वोच्च अदालतका दुवै गेटमा धर्ना दिने भएको छ।

प्रधानन्यायाधीश जबराविरुद्धको आन्दोलनलाई थप कडा पारेको बारले आज बिहान १० बजे अघिदेखि नै अदालत परिसरमा धर्ना दिने जनाएको हो।

यसअघि शुक्रबार प्रधानन्यायाधीश जबरा वैकल्पिक गेटबाट भित्र प्रवेश गरेपछि बारले आज सर्वोच्चका दुवै ढोकामा धर्ना दिने तयारी गरेको छ। शुक्रबार भएको धर्नामा तनावको अवस्थासमेत सिर्जना भएको थियो।

जबराको राजीनामा माग गर्दै धर्नामा बसेका पदाधिकारीमाथि बिहीबार पनि सुरक्षाकर्मीले बल प्रयोग गरेका थिए। प्रधानन्यायाधीश जबराले राजीनामा नदिएसम्म आफूहरूको आन्दोलन जारी रहने नेपाल बार एसोसिएसनमा महासचिव लीलामणि पौडेलले जानकारी दिएका छन्।

प्रकाशित: Nov 14, 2021| 09:24 आइतबार, कात्तिक २८, २०७८