दुर्घटनाबाट सन्तान गुमे, कसले पुछिदेला दुर्गाका आँसु?

सुर्खेत- सुर्खेतको भेरीगंगा नगरपालिका–१२ छिन्चुकी दुर्गादेवी राना मगरले जीवनमा धेरै दु:खकष्ट सहिन्। यौवन अवस्थामै श्रीमानको साथ गुमाइन्। श्रीमानले साथ छोडपछिका दैनिकी संघर्षमय बन्यो। कमजोर आर्थिक अवस्थाका कारण गाँस र बासको लागि आफन्तको शरणमा पुगिन्। 

हुर्कंदै गरेका छोरा रविन र छोरी रानी दुर्गाका लागि बाँच्ने आधार थिए। दुर्गादेवीले नन्द (रविन र रानीका फुपू)को घरमा बसेर जेनतेनले छोराछोरी हुर्काइन्। 

दुर्गाको दैनिकी केही सहज भएको लामो समय भएकै छैन। चार वर्ष अघि रविनले नेपाली सेनामा सेवा सुरु गरे। अंग्रेजी विषयमा स्नाकोत्तर गरेकी छोरी रानीले छिन्चुकै एक निजी विद्यालयमा पढाउन थालिन्। छोराछोरी नै पैसा कमाउन थालेपछी दुर्गादेवी सुखको सास फेर्ने कोसिसमा थिइन्। 

000

यसपालिको तिहारकै बेला दुर्गादेवीलाई बज्रपात पर्‍यो। तिहारको दुई दिन अघि (१८ गते २६ वर्षीय छोरा रविन र तिहारको भोलिपल्ट (२१ गते राति) २९ वर्षीया छोरी रानीलाई गुमाइन्।