प्रदेश १ मा कोरोना संक्रमितभन्दा मृतक बढी!

प्रदेश १ मा पछिल्लो २४ घण्टामा ४ जना कोरोना संक्रमितको मृत्यु भएको छ। मृत्यु हुनेमा झापाका २, सुनसरी र उदयपुरका १–१ जना रहेको सामाजिक विकास मन्त्रालयकी जनस्वास्थ्य अधिकृत ओमकुमारी राजवंशीले बताइन्।

नेपाल समय | शुक्रबार, कात्तिक १९, २०७८

नेपाल समय

शुक्रबार, कात्तिक १९, २०७८

विराटनगर- प्रदेश १ मा पछिल्लो २४ घण्टामा ४ जना कोरोना संक्रमितको मृत्यु भएको छ। मृत्यु हुनेमा झापाका २, सुनसरी र उदयपुरका १–१ जना रहेको सामाजिक विकास मन्त्रालयकी जनस्वास्थ्य अधिकृत ओमकुमारी राजवंशीले बताइन्।

पछिल्लो २४ घण्टामा ३ जनामा मात्र कोरोना संक्रमण पुष्टि भएको छ। ११ जनाको पीसीआर परीक्षण गर्दा झापाको भद्रपुरमा २ र मेचीनगरमा १ जनामा संक्रमण देखिएको राजवंशीले बताइन्। उनका अनुसार २१ जनाको एन्टिजेन परीक्षण गर्दा कसैमा पनि संक्रमण देखिएन।

प्रदेश १ मा शुक्रबार ८४ जना कोरोेना संक्रमणमुक्त भएका छन्। संक्रमणमुक्त हुनेमा ३८ महिला र ४६ पुरुष रहेको मन्त्रालयले जनाएको छ।

तिहारको बिदाका कारण कोरोना परीक्षण नै कम हुँदा संक्रमितभन्दा मृतकको संख्या बढी देखिएको मन्त्रालयको भनाइ छ।

प्रकाशित: Nov 05, 2021| 17:45 शुक्रबार, कात्तिक १९, २०७८