१० भाइलाई माधव नेपालले भने- एकीकृत समाजवादीमा आउनुस्

नेकपा एकीकृत समाजवादी पार्टीका अध्यक्ष माधवकुमार नेपालले एमालेमा रहेका १० भाइलाई नेकपा एसमा आउन आह्वान गरेका छन्।

नेपाल समय | बिहीबार, कात्तिक १८, २०७८

नेपाल समय

बिहीबार, कात्तिक १८, २०७८

१० भाइलाई माधव नेपालले भने- एकीकृत समाजवादीमा आउनुस्

काठमाडौं- नेकपा एकीकृत समाजवादी पार्टीका अध्यक्ष माधवकुमार नेपालले एमालेमा रहेका १० भाइलाई नेकपा एसमा आउन आह्वान गरेका छन्।

एमालेमा गएर पछुताइरहेको भन्दै अध्यक्ष नेपालले अझै केही नबिग्रिएको र पार्टीमा आउन आग्रह गरेका हुन्।

‘त्यहाँ गएर पनि पछुताइरहेका छन्। ठिक छ तपाईहरूले हेर्नुभयो, भोग्नुभयो, छाम्नुभयो, पीडा सहनुभयो। अब त फर्केर आए पनि हुन्छ। स्वागत छ,’ मध्यपुर थिमिमा आयोजित शुभकामना आदानप्रदानमा उनले भने।

अध्यक्ष नेपालले आफूहरूसँग इर्स्या गर्नेहरूको हालत खत्तम हुने भन्दै त्यस्ताहरूको पछि कोही नलाग्न अनुरोध गरे। ‘राम्रो पार्टीमा आउनुस्। हामीसँग आउनुस्,’ उनले भने, 'हामी सही निष्कर्ष पुग्ने, सही बाटोमा पुग्ने पार्टी हो। कलम छापलाई जिताउने हो। समाजवादमा जाने हो।'

प्रकाशित: Nov 04, 2021| 09:26 बिहीबार, कात्तिक १८, २०७८