प्रस्तावित राजदूतविरुद्ध उजुरी आह्वान

संसदीय सुनुवाइ समितिले बेलायत, भारत र अमेरिकाका लागि प्रस्तावित राजदूतविरुद्ध उजुरी दिन १० दिने सूचना आह्वान गरेको छ।

नेपाल समय | मंगलबार, कात्तिक १६, २०७८

नेपाल समय

मंगलबार, कात्तिक १६, २०७८

काठमाडौं– संसदीय सुनुवाइ समितिले बेलायत, भारत र अमेरिकाका लागि प्रस्तावित राजदूतविरुद्ध उजुरी दिन १० दिने सूचना आह्वान गरेको छ। सिंहदरबारमा मंगलबार बसेको समितिको बैठकले प्रस्तावित राजदूतहरुको सुनुवाइ प्रक्रिया सुरु गर्दै उजुरी भए पठाउन १० दिनको समय निर्धारण गर्ने निर्णय गरेको सभापति लक्ष्मणलाल कर्णले जानकारी दिए।

कर्णका अनुसार संसद सचिवालयले उजुरी आह्वानका लागि सूचना प्रकाशित गरेको अवधि नाघेपछि सिफारिसमा परेका राजदूतको सुनुवाइ गरी अनुमोदन प्रक्रिया सुरु हुनेछ।

११ कात्तिकमा बसेको मन्त्रिपरिषद् बैठकले भारतका लागि शंकर शर्मा, अमेरिकाका लागि श्रीधर खत्री र बेलायतका लागि ज्ञानचन्द्र आचार्यलाई राजदूत नियुक्त गर्न सिफारिस गरेको थियो।

प्रकाशित: Nov 02, 2021| 15:07 मंगलबार, कात्तिक १६, २०७८