धनगढी– बाजुरामा करेन्ट लागेर दुई घोडा मरेका छन्। जिल्लाको गौमुल गाउँपालिकाको केन्द्र घट्मुनामा करेन्ट लागेर घोडा मरेका हुन्।
बालुवा बोकेर बडीमालिका नगरपालिका–२ मैमातोलाबाट आउने क्रममा घट्मुना बजारको जिप पार्किङ गर्ने ठाउँमा करेन्ट लागेर घोडा मरेको प्रहरीले जनाएको छ।
सिमधारा लघु जलविद्युत आयोजनाको विद्युत लाइन रहेको सो ठाउँमा विद्युतको पोल सपोर्टका लागि दिइएको तारमा विद्युत् चुहावट भइ करेन्ट लागेर घोडा मरेको ईलाका प्रहरी कार्यालय गौमुलले जनाएको छ।
गौमुल गाउँपालिका–६ सटेडाका जगत रोकायाको घोडा रहेको प्रहरीले जनाएको छ।