रमेश लेखकको पहलमा बाढी पीडितका लागि एक करोडको राहत सामग्री वितरण

कञ्चनपुर- कञ्चनपुरको दोधारा–चाँदनी र भीमदत्तमा तीन सय परिवारका लागि एनआएनको टिमद्वारा राहत वितरण गरिएको छ।

दोधारा–चाँदनीका ८, ९ र १० नम्बरका अति बाढी प्रभावित १ सय ५० परिवारका लागि र भीमदत्त नगरपालिकाका वडा नम्बर ११, १२ र १३ का १ सय ५० परिवार गरी तीन सय परिवारलाई परिवारलाई पहिलो चरणमा राहतको व्यवस्था गरिएको हो।

एनआएनका मध्यपूर्व संयोजक मनोज श्रेष्ठ (गोर्खाली)को संयोजकत्वमा राहत वितरण गरिएको हो। वडा स्तरमै पुगेर अति बाढी प्रभावित परिवार पहिचान गरी राहत वितरण गरिएको हो।

प्रतिपरिवार २५ देखि ३० हजारको राहत प्याकेज वितरण गरिएको श्रेष्ठले बताए। कञ्चनपुरमा कांग्रेस नेता रमेश लेखकको पहलमा एनआरएनद्वारा एक करोडको राहत सामग्री संकलन तथा वितरण गरिएको हो।

पिडाको समयमा स्थानीय पीडितलाई राहत सामग्रीसहित सम्झिएकोमा कांग्रेस नेता लेखक र एनआएनलाई दोधारा–चाँदनीका मेयर वीरबहादुर सुनार तथा भीमदत्त ११ का वडाध्यक्ष लालबहादुर शाही, १२ का अध्यक्ष कृष्ण देउवाले धन्यवाद ज्ञापन गरेका छन्।

दामल, तेल, दाल, आलु, नुन, प्याज, मसला, त्रिपाल, म्याट, ब्लङकेट, बाल्टिन, जग र दैनिक प्रयोग हुने लत्ताकपडा, टि-सर्ट, ट्राउजर, छातालगायत सामग्री प्रदान गरिएको श्रेष्ठले बताए।