पहिलो हाफ: स्पेन र रुस १-१ गोलको बराबरीमा

काठमाडौं- विश्वकप फुटबलअन्तर्गत प्रिक्वाटरफाइनलमा स्पेन र रुस पहिलो हाफ बराबरीमा सकिएको छ। शुरुवाती अग्रता लिएको स्पेनले अग्रता जोगायउन नसक्दा  पहिलो हाफ बराबरीमा सकिएको हो। 

स्पेनका लागी एक मात्र गोल इग्नासेभिचले गरे। उनले खेलको १२ औं मिनेटमा गोल गर्दै स्पेनलाई १-० को अग्रता दिलाएका थिए । 

तर, ४१ औं मिनेटमा स्पेनका जेरार्ड क्युकले ह्याण्ड गरेपछि रुसले पेनाल्टि पाएको थियो । पेनाल्टिको सदुपयोग गर्दै रुसका अर्टेन ज्युवाले गोल गरे।

शुरुवाती समयदेखि नै स्पेनले आक्रमक खेल खेलिरहेको छ। पहिलो हाफमा दुई मात्र कर्नरको अवसर पाएको रुसले केही अवर गुमाउन पुग्यो ।

स्पेन र रसिया अहिलेसम्म ६ पटक आमनेसमाने भएका छन् । जसमध्ये स्पेनले चार खेलमा जित हात पार्दै दुई खेल बराबरीमा सकिएको थियो । 

पछिल्लो पटक यी दुई टिमले २०१७ को मैत्रीपूर्ण खेलमा ३-३ गोलको बराबरी खेलेको थियो । २-० ले पछि परेको अवस्थामा रसियाले खेलमा फर्कदै स्पेनलाई बराबरीमा रोक्न सफल भएको थियो ।