सोचेभन्‍दा रोमाञ्‍चक बन्यो फ्रान्‍स र अर्जेन्‍टिनाबीचको खेल

काठमाडौं-धेरै जसोले अनुमान गरेका थिए की फ्रान्स र अर्जेन्टिनाबीचको पहिलो नकाउट चरणको खेल निकै रोमाञ्चक हुन्छ भनेर । साँच्चै नै फुटबल विश्लेशक र दर्शकले सोचे भन्दा पनि रोचक बन्यो फ्रान्स र अर्जेन्टिनाबीचको शनिबारको खेल । खेल सुरु भयो, सबैका आँखा अर्जेन्टिनी सुपर स्टार लियोनल मेस्सीमा परेका थिए । किनकी उनी अन्तिम समूह चरणको खेलमा लयमा फर्के जस्तै यस खेलमा पनि फर्किने छन भन्ने विश्वास सबैमा थियो । 

तर, खेलको १३ औं मिनेटमा पेनाल्टिमार्फत गोल गर्दै फ्रान्सले १-० ले अग्रता लियो । डि बक्स भित्र अर्जेन्टिनाका रोजोले केलियन बाप्पेलाई ट्याकल गरेपछि फ्रान्सले पेनाल्टि पाएको थियो । पेनाल्टिको सदुपयोग गर्दै एन्थोनी ग्रिजम्यानले गोल गरे । 



पुरै खेल अर्जेन्टिनाले फ्रान्सलाई दबाबमा राख्यो । तर, खेल ७८ ओं मिनेटमा पुग्दा दबाब दुबैको बराबर रह्यो । पहिलो हाफ सकिदै लाग्दा अर्जेन्टिनाका लागी खेलको ४१ औ मिनेटमा डि मारियाले उत्कृष्ट गोल गरे । 

उनको त्यो लामो उत्कृष्ट प्रहारले खेल बराबरीमा ल्यायो । पहिलो हाफ बराबरीमा रोकिएकाले दर्शकमा कौतुहलता बढ्यो अब दोस्रो हाफ के होला भन्ने । जसले खेललाई थप रोमाञ्चक बनायो । पहिलो हाफमा शुरुवाती अग्रता लिएको फ्रान्सले अग्रता जोगाउन नसक्दा खेल बराबरी हुन पुगेको थियो ।



दोस्रो हाफ शुरु भयो । दोस्रो हाफ शुरु भएको केही मिनेटमै अर्जेन्टिनाका कप्तान मेस्सीले एक गोल गरे । मेस्सीले खेलको ४८ औं मिनेटमा गोल गर्दै आफ्नो टालीलाई अग्रता दिलाए । खेल झनै रोमाञ्चक हुदै गयो । मेस्सी लयमा आएको आभास भयो । तर, पुनः खेलको ५७ औं मिनेटमा फ्रान्सका बेन्जामिन पभार्डले गोल गर्दै खेल २-२ को बराबरीमा ल्याए । यो खेल जारी विश्वकपमा स्पेन र पोर्चुगल पछिको दोस्रो रोमाञ्चक खेल बन्यो । 

६४ औं मिनेटमा फ्रान्सका कान्छा खेलाडी केलियन बाप्पेले एक गोल गर्दै खेललाई ३-२ को अग्रता दिलाउँदै आफ्नो पक्षमा पारे । जसले खेलमा अझैबढी रोमाञ्चकता ल्यायो । उनले समूह चरणको खेलमा पेरु विरुद्ध एक गोल गर्दै विश्वकपमा गोल गर्ने फ्रान्सका कान्छा खेलाडीको छवि पनि बनाइसकेका थिए ।  



चार मिनेट पछि पुनः बाप्पेले व्यक्तिगत दोस्रो गोल गर्दै खेललाई ४-२ को अग्रतामा ल्याए । यो नतिजाले  खेल हेर्नेलाई त मज्जा आयो तर, कस्तान मेस्सीको अनुहारमा सन्नाटा छायो । उनी झनै आक्रमक खेल खेल्न थाले । तर, बिडम्बना गोलपोस्ट नजिकैको उनको प्रहार फितलो भयो र फ्रान्सका गोल किपरले सोझै बल समाएपछि उनी केही निराश देखिए । 

निक्कै नै प्रतिस्पर्धात्मक खेल खेल्दा खेल्दै खेलको निर्धारित समय सकियो । खेलमा तीन मिनेट समय थपियो । खेलको इन्जुरी समयमा सर्जियो अगुएरोले एक गोल गर्दै खेललाई बराबरीमा ल्याउनसक्ने झल्को दिए । उनले मैदान प्रवेश गरेको केही मिनेटमै आकर्षक गोल गरेका थिए । 



थप समय पनि सकियो । खेल फ्रान्सले ४-३ ले आफ्नो पक्क्षमा पार्‍यो । फ्रान्सका खेलाडी खुशी मनाउँदद्यै गर्दा निरास देखिएका मेस्सीसहितको टोली मैदान बाहिरियो । १९ बर्षिया बाप्पे भने जारी विश्वकपमा व्याक्तीगत ३ गोल गर्दै राइजिङग स्टारको रुपमा हेरिन थाले ।

दुबै टोलीका लागी उति नै महत्वपुर्ण खेल भएकाले दुबै टोलीले त्यति नै फउल गरे । जुन जारी विश्वकपका खेलहरु मध्ये यो सबैभन्दा बढी फाउल भएको खेल हो । जहाँ रेफ्रिले ८ पहेलो कार्डको प्रयोग गरे । ८ पहेँलो कार्डमा मध्येबाट पाँच पहेलो कार्ड अर्जेन्टिनी खेलाडी विरुद्ध प्रयोग गरिएको थियो भने तीन पहेलो कार्ड फ्रान्सका खेलाडी विरुद्ध प्रयोग गरीएको थियो ।