रोनाल्डो र स्वारेज को शक्तिशाली ?

काठमाडौं–रुसमा जारी फिफा विश्वकपमा नकाउट चरणको दोस्रो खेल क्रिस्टियानो रोनाल्डोको पोर्चुगलले उरुग्वेको सामना गर्दैछ । 

यो खेल फिस्ट ओलम्पिक स्टेडियममा नेपाली समय अनुसार राति पौने १२ बजे शुरु हुदैछ । यी दुई खेलको विजेता क्वार्टरफाइनलमा फ्रान्स र अर्जेन्टिनाबीचको विजेतासँग भिड्नेछ ।

उरुग्वे भने आफ्नो समूहको विजेताका रुपमा अघि बढ्दा स्पेनसम्मिलित समूहबाट पोर्चुगल उपविजेताका रुपमा अघि बढेको थियो । 

सुरुवाति दुई खेलमा चार गोल गर्दै वाहीवाही कमाएका  रोनाल्डो इरानसँग पेनाल्टीमा गोल गर्नबाट चुक्दा आलोचनाको शिकार भएका थिए ।  उनले स्पेनसँगको आफ्नो पहिलो खेलमा ह्याट्रिक गरेका थिए भने दोस्रो खेलमा मोरोक्कोसँग एक गोल गरेका थिए । रोनाल्डो यस बर्ष विश्वकपमा गोल्डेन बुटको दाबेदारका रुपमा हेरिएका छन् ।

हाल सम्म  इङ्ल्यान्डका ह्यारी केन, बेल्जियमका रोमेलु लुकाकुसँगै पोर्चुगलका कप्तान क्रिस्टियानो रोनाल्डोको पनि नाम छ ।  जबकी केनले ५ तथा रोनाल्डो र लुकाकुले समान ४ गोल गरिसकेका छन् ।