पुर्वविजेता अर्जेन्टिना र फ्रान्सबीच भिडन्त शुरु

काठमाडौं-दुई पटकको विश्वकप विजेता अर्जेन्टिना र एक पटकको विश्पकप विजेता फ्रान्सबीचको भिडन्त शुरु भएको छ । दुई टोलीबीच शनिबार जारी खेल नकाउट चरणको पहिलो हो । 

रुसको काजान अरिनामा शुरु भएको खेल निकै रोमाञ्चक हुने अनुमान गरिएको छ । 

सहजै समूहको विजेताबन्दै अघि बढेको फ्रान्स र कठिन यात्रा स्वरुप समूहको उपविजेता बन्दै नकाउट चरण पुगेको अर्जेन्टिनाबीच फिफा मान्यताका ११ अन्तर्राष्ट्रिय खेलमा प्रतिस्पर्धा गरेका छन् । 

११ खेलमा आमन्ने सामन्ने हुँदा अर्जेटिना ६ पटक विजयी भएको छ । तीन खेल बराबरी खेलेका यी दुई टोलीमा फ्रान्सले दुईटामात्र जित निकाल्न सकेको छ ।