प्रदेश १ मा बिहीबारदेखि विद्युत सेवा सञ्चालन हुने

अविरल वर्षाका कारण सुनसरीको दुहवीस्थित विद्युत प्राधिकरणको सबस्टेशन डुबानमा परेपछि अवरुद्ध भएको प्रदेश १ को विद्युत सेवा बिहीबारदेखि सञ्चालन हुने प्राधिकरणले जनाएको छ।

नेपाल समय | बुधबार, कात्तिक ३, २०७८

नेपाल समय

बुधबार, कात्तिक ३, २०७८

प्रदेश १ मा बिहीबारदेखि विद्युत सेवा सञ्चालन हुने

विराटनगर– अविरल वर्षाका कारण सुनसरीको दुहवीस्थित विद्युत प्राधिकरणको सबस्टेशन डुबानमा परेपछि अवरुद्ध भएको प्रदेश १ को विद्युत सेवा बिहीबारदेखि सञ्चालन हुने प्राधिकरणले जनाएको छ।

बिहीबार साँझसम्ममा सञ्चालन गर्ने गरी काम भइरहेको नेपाल विद्युत प्राधिकरण प्रदेश १ का निर्देशक राजन ढकालले बताए। पुनः वर्षा भएको खण्डमा भने सेवा सञ्चालन हुन समय लाग्ने प्राधिकरणले जनाएको छ।

इलाम, पाँचथर र ताप्लेजुङमा निजी क्षेत्रबाट सञ्चालित जलविद्युत आयोजना पनि अवरुद्ध भएको प्राधिकरणले जनाएको छ। प्राधिकरणका अनुसार प्रदेश १ मा ६ लाख ८२ हजार आठ सय ८९ सेवाग्राही छन्।

प्रकाशित: Oct 20, 2021| 16:09 बुधबार, कात्तिक ३, २०७८