दुइटा खोला पसेपछि विराटनगर विमानस्थल बन्द

काठमाडौं- दुइटा खोलाको पानी पसेपछि विराटनगर विमानस्थल बन्द भएको छ । नागरिक उड्यान प्राधिकरणका निमित्त महानिर्देशक राजकुमार क्षेत्रीका अनुसार विमानस्थलभित्र सबै स्थान जलमग्न भएको छ ।

विमानस्थल छिर्ने गेटेदेखि लिएर, जहाज पार्किङ क्षेत्र, धावनमार्ग, कर्मचारी क्वार्टर जलमग्न उहाले जानकारी दिए । कम्तीमा ३ देखि ६ फिटसम्म पानी जमेको उनले बताए ।  उनका अनुसार पानीको निकास नभएसम्म उडान हुन सक्ने अवस्था छैन ।

केसलिया र बास्ता खोलाको पानी विमानस्थल भित्र पसेको हो । मौसम पूर्वानुमान महाशाखाका अनुसार विराटनगरमा १३३.६ मिलिमिटरसम्म वर्षा भएको थियो ।