प्रदेश १ मा विद्युत आपूर्ति ठप्प

विराटनगर– अविरल वर्षाका कारण सुनसरी दुहवीस्थित विद्युत प्राधिकरणको सबस्टेशन डुबानमा परेको छ। सबस्टेशन डुबानमा परेपछि प्रदेश १ मा विद्युत काटिएको नेपाल विद्युत प्राधिकरणले जनाएको छ।

दुहवीको सबस्टेशन डुवानमा परेपछि विराटनगर वितरण केन्द्रमार्फत वितरण हुने विद्युत अवरुद्ध भएको हो। विराटनगर वितरण केन्द्रले ४ वटा सब–स्टेशनको २५ ग्रिडमार्फत विद्युत आपूर्ति गर्दै आएको छ ।

टंकीसिनवारी, रानी, बाँसबारी र कटहरी सब–स्टेशनबाट २५ ग्रिडमा विराटनगर, कटहरी, ग्रामथान, बुढीगंगा र जहदाको प्रणारण लाइन एकै पटक अवरुद्ध भएको विद्युत प्राधिकरण विराटनगर वितरण केन्द्रका सूचना अधिकृत भरत केसीले बताए ।

इलाम, पाँचथर र ताप्लेजुङमा निजी क्षेत्रबाट सञ्चालित जनविद्युत आयोजना पनि अवरुद्ध भएको प्राधिकरणले जनाएको छ ।