सुदूरपश्‍चिममा बाढीपहिरो प्रभावित जिल्लामा २५-२५ लाख उपलब्ध गराइने

धनगढी- सुदूरपश्चिम प्रदेश सरकारले बाढीपहिरो प्रभावित नौवटै जिल्लामा २५ लाख रुपैयाँ उपलब्ध गराउने भएको छ।

मंगलबार बसेको मन्त्रिपरिषद्को बैठकले तत्कालको लागि विपद् व्यवस्थापन, राहत र उद्धारको लागि जिल्ला विपद् व्यवस्थापन कोषमा २५ लाख रुपैयाँ उपलब्ध गराउने निर्णय गरेको सरकारकी प्रवक्ता पूर्णा जोशीले जानकारी दिइन्।

आन्तरिक मामिला तथा कानुन मन्त्री जोशीले  क्षतिको यकिन विवरण आए थप  राहत उपलब्ध गराउने बताइन्। प्रदेश सरकारले प्रदेश विपद् व्यवस्थापन कोषमा २५ करोड उपलब्ध गराउने निर्णय भएको छ। 

अविरल वर्षाका कारण प्रदेशमा विभिन्न ठाउँमा क्षति पुगेकाकाले आकस्मिक बैठक बसेको थियो। बैठकमा वर्षाले पुगाएको क्षति, राहत र उद्धारको विषयमा छलफल भएको बताइएको छ।