प्रदेश १ : २४ घण्टामा कोरोना संक्रमणबाट ९ जनाको मृत्यु

विराटनगर- प्रदेश १ मा पछिल्लो २४ घण्टामा कोरोना संक्रमणबाट ९ जनाको मृत्यु भएको छ।

झापामा ५, सुनसरीमा ३ र पाँचथरमा १ जनाको मृत्यु भएको सामाजिक विकास मन्त्रालयकी जनस्वास्थ्य अधिकृत ओमकुमारी राजवंशीले जानकारी दिइन। उनका अनुसार मृत्यु हुनेमा ३ महिला र ६ पुरुष रहेका छन्। 

प्रदेश १ मा मंगलबार सम्म कोरोना संक्रमणबाट ज्यान गुमाउनेको संख्या दुई हजार १०७ पुगेको छ। प्रदेश १ मा पछिल्लो २४ घण्टामा १२० जनामा कोरोना संक्रमण भएको छ। ६२१ जनाको पीसीआर परीक्षण गर्दा १०५ र १४१ जनाको एन्टिजेन परीक्षण गर्दा १५ जनाको रिपोर्ट पोजेटिभ आएको सामाजिक विकास मन्त्रालयले जनाएको छ।

मन्त्रालयका अनुसार पीसीआर परीक्षणका आधारमा झापामा ३८, मोरङमा ३५, सुनसरीमा १६, इलाममा ५, संखुवासभामा २, पाँचथर, ओखलढुङ्गा, तेहृथुम, धनकुटा र उदयपुरमा १–१ र प्रदेश १ बाहिरका ४ जनामा संक्रमण भएको हो।