वैद्यको स्वास्थ्य अवस्था बुझ्न दाहाल नर्भिक अस्पतालमा

माओवादी केन्द्रका अध्यक्ष पुष्पकमल दाहालले नेकपा क्रान्तिकारी माओवादीका महासचिव मोहन वैद्यको स्वास्थ्य अवस्थाबारे जानकारी लिएका छन्।

नेपाल समय | सोमबार, कात्तिक १, २०७८

नेपाल समय

सोमबार, कात्तिक १, २०७८

वैद्यको स्वास्थ्य अवस्था बुझ्न दाहाल नर्भिक अस्पतालमा

नर्भिक अस्पतालमा उपचार गराइरहेका क्रान्तिकारी माओवादीका अध्यक्ष मोहन वैद्यसँग सोमबार भेट गरी स्वास्थ्य अवस्थाबारे जानकारी लिँदै माओवादी केन्द्रका अध्यक्ष पुष्पकमल दाहाल। तस्बिर : दाहालको निजी सचिवालय

काठमाडौं– माओवादी केन्द्रका अध्यक्ष पुष्पकमल दाहालले नेकपा क्रान्तिकारी माओवादीका महासचिव मोहन वैद्यको स्वास्थ्य अवस्थाबारे जानकारी लिएका छन्। अध्यक्ष दाहालले सोमबार बिहान नर्भिक अस्पताल पुगेर वैद्ययको स्वास्थ्य अवस्थाबारे जानकारी लिएको दाहालको निजी सचिवालयले जनाएको छ। वैद्य स्वास्थ्यमा समस्या भएपछि थापाथलीस्थित नर्भिक अस्पताल भर्ना भएका छन्।

उनलाई आइतबार बिहान नर्भिक अस्पतालमा भर्ना गरिएको हो। एक्कासि दम बढेर छातीमा पीडा भएपछि अस्पताल लगिएको थियो। उपचारमा संलग्न चिकित्सकका अनुसार दम बढेर उनलाई केही गाह्रो भएको छ। अस्पताल ल्याएलगत्तै उनको छातीको एक्सरे गरिएको थियो। एक्सरे रिपोर्टमा सामान्य दागसमेत देखिएको छ। नेता वैद्य लामो समयदेखि दमबाट पीडित छन्।

प्रकाशित: Oct 18, 2021| 12:47 सोमबार, कात्तिक १, २०७८