पतिपत्नी कुटाकुट हुँदा पतिको मृत्यु

तेह्रथुम– तेह्रथुम जिल्लाको छथर गाउँपालिकामा पति र पत्नीबीच विवादपछि कुटाकुट हुँदा पतिको मृत्यृ भएको छ भने पत्नी गम्भीर घाइते भएकी छन्। 

छथर गाउँपालिका ३ पञ्चकन्या ज्यामिरेमा आइतबार साँझ घरायसी विवादपछि पत्नीको लौरो प्रहरबाट ५४ वर्षीय गोविन्द लिम्बूको मृत्यृ भएको इलाका प्रहरी चौकी वसन्तपुरका प्रहरी निरीक्षक मानप्रसाद श्रेष्ठले जानकारी दिए। हात हालाहालमा पत्नी ५२ वर्षीया भक्तकुमारी लिम्बु गम्भीर घाइते भएकी छन्। 

घटना स्थलमा पुग्दा दुबैको अवस्था गम्भीर देखिएको र गोविन्दको उपचारका क्रममा छथर उस्पतालमा मृत्यृ भएको शुक्रबारे प्रहरीले जनाएको छ। कुटाइबाट गम्भीर भएकी भक्तकुमारीको नोबेल अस्पताल विराटनगरमा उपचार भइरहेको छ। -न्युज कारखाना