अपडेट- वर्षा र बाढीबाट भारतमा १८ को मृत्यृ, दर्जनौं बेपत्ता

भारतको दक्षिणी केरला राज्यमा शनिबारको अविरल बर्षा र बाढीका कारण कम्तीमा पनि १८ जनाको ज्यान गएको छ।

नेपाल समय | आइतबार, असोज ३१, २०७८

नेपाल समय

आइतबार, असोज ३१, २०७८

अपडेट- वर्षा र बाढीबाट भारतमा १८ को मृत्यृ, दर्जनौं बेपत्ता

नयाँ दिल्ली- भारतको दक्षिणी केरला राज्यमा शनिबारको अविरल बर्षा र बाढीका कारण कम्तीमा पनि १८ जनाको ज्यान गएको छ। अरु दर्जनौं व्यक्ति बेपत्ता भएका छन्। बाढीका कारण कतिपय स्थानमा भीषण पहिरो गएको छ।

पहिरोमा परेर दजैनौ बेपत्ता भएका बताइएको छ।दक्षिणी राज्य केरलाका इदुकी र कोट्याम जिल्लामा बाढी र पहिरोको प्रकोप देखा परेको प्रहरीले जनाएको छ।

कोट्याम जिल्लामा बढीले बढी क्षति पुर्‍याएको यहाँका एक स्थानीय पत्रिका हिन्दुस्तान टाइम्सले जनाएको छ। बाढीमा परेर मृत्यु भएका र हराएकामध्ये अधिकांश सो जिल्लाका रहेका छन्। यहाँ आइतबार बिहान सम्म पनि बर्षा जारी रहेको छ।

बाढीका कारण कतिपय स्थानीय सडकहरु पनि अवरुद्ध भएका छन्। मौसम् विज्ञान विभागका अधिकारीहरुले आइतबार पनि बर्षा कायमै रहने बताएका छन्।

प्रकाशित: Oct 17, 2021| 14:12 आइतबार, असोज ३१, २०७८