'नकआउट' चरणमा कसको खेल कहिले ? प्रतिस्पर्धी को ? 

काठमाडौं- रुसमा जारी २१ औं संस्करणको विश्वकप फुटबल प्रतियोगितामा शनिबारबाट नकआउट चरणको खेल सुरु हुँदैछ । 

समुह चरणको खेल बिहीबार रातीबाट सकिएसंगै नकआउट चरणको समिकरण पुरा भएको हो । ३२ देश सम्मिलित विश्वकपको समूह चरणमा ४८ खेलहरु भए । समुह चरणको खेलबाट १६ टोली  नकआउट चरणमा पुग्दा १६ देश घर फर्किएका छन् । 

नकआउट समीकरण पूरा भएसँगै उपाधि दावेदार टोलीहरुबीचको वास्तविक भिडन्त सुरु हुँदैछ । अबका हरेक खेलहरु हरेक टोलीका लागि जित्नैपर्ने हुन्छ । 

समुह चरणका खेलहरुमा देखिएका केहि त्यस्ता नाटकीय मोडहरुले फुटबलका महारथीहरुलाई समेत नकआउट चरण नपुग्दै घर फर्काइदिएको छ ।

यसपालीको विश्वकपमा साविक विजेता जर्मनी समुह चरणबाटै घर फर्किन बाध्य भयो भने अफ्रिका महादेशबाट कुनै पनि देश नकआउट चरणमा पुग्न सकेनन् । एसियाबाट जापानले मात्रै समुह चरण पार गरेको छ । 

नकआउट चरणमा कसको खेल कहिले ? प्रतिस्पर्धी को ? 

शनिबार (असार १६)

फ्रान्स विरूद्ध अर्जेन्टिना (बेलुका पौने ८ बजे)

उरुग्वे विरूद्ध पोर्चुगल (राति पौने १२ बजे)

आइतबार (असार १७)

स्पेन विरूद्ध रुस (बेलुका पौने ८ बजे)

क्रोएसिया विरूद्ध डेनमार्क (राति पौने १२ बजे)

सोमबार (असार १८)

ब्राजिल विरूद्ध मेक्सिको (बेलुका पौने ८ बजे)

बेल्जियम विरूद्ध जापान (राति पौने १२ बजे)

मंगलबार (असार १९)

स्वीडेन विरूद्ध स्वीट्जरल्याण्ड (बेलुका पौने ८ बजे)

कोलम्बिया विरूद्ध इंग्ल्याण्ड (राति पौने १२ बजे)

समुह चरणबाट बाहिरिएका देशहरु  

साउदी अरेबिया र इजिप्ट- समूह ए

माेरक्काे  र इरान - समूह बी

पेरु र अस्ट्रेलिया- समूह सी

नाइजेरिया र अाइसल्याण्ड- समूह डी

सर्बिया र क्रोएसिया- समूह ई

दक्षिण कोरिया र जर्मनी- समूह एफ

ट्युनिसिया र पानामा- समूह जी

सेनेगल र पोल्याण्ड- समूह एच