प्रदेश पर्यटन बोर्डको उपाध्यक्षमा अधिकारी

विराटनगर– प्रदेश १ को पर्यटन बोर्डको उपाध्यक्षमा फणिन्द्र अधिकारीलाई चयन गरिएको छ।

सोमबार बसेको बोर्ड बैठकले उपाध्यक्षमा विराटनगरका अधिकारीलाई चयन गरेको हो। प्रदेश सरकार मन्त्रिपरिषद्को आईतबारको बैठकले ६ जना उद्योग पर्यटन क्षेत्रमा विगत १० वर्षदेखि लागेका व्यक्ति नियुक्त गरेको थियो। 

बोर्डको सदस्यहरुमा देवी गौतम (सुनसरी), भीमराज राई (सोलु), उमेश घिमिरे (धनकुटा), प्रेरणा थापा (इटहरी) र इन्दिरा श्रेष्ठ (बिर्तामोड) रहेका छन्।

बोर्डको अध्यक्ष उद्योग, पर्यटन, वन तथा वातावरण मन्त्रालयका सचिव रहने व्यवस्था छ। बोर्डमा एक जना अर्थ मन्त्रालयका अधिकृत, एक जना मुख्यमन्त्री तथा मन्त्रिपरिषद्को कार्यालयका प्रतिनिधि, एक जना मन्त्रालयकै पर्यटन महाशाखाका प्रमुख सदस्य रहने व्यवस्था रहेको छ।

बोर्डमा नवनियुक्त सदस्यहरुलाई सोमबारै सपथ गराईएको छ। प्रदेश पर्यटन बोर्ड गठन संवन्धि नियमावलीमा ११ सदस्य कार्यसमिति हुने व्यवस्था छ।