मोड्रिचले पेनाल्टी मिस गरे पनि क्रोएसियाको सानदार जित

अर्को वर्ष कतारमा हुने फिफा विश्वकपको युरोपेली छनोटअन्तर्गत शुक्रबार रातिको खेलमा क्रोएसियाले साइप्रसविरुद्ध सानदार जित निकालेको छ।

नेपाल समय | शनिबार, असोज २३, २०७८

नेपाल समय

शनिबार, असोज २३, २०७८

मोड्रिचले पेनाल्टी मिस गरे पनि क्रोएसियाको सानदार जित

काठमाडौं– अर्को वर्ष कतारमा हुने फिफा विश्वकपको युरोपेली छनोटअन्तर्गत शुक्रबार रातिको खेलमा क्रोएसियाले साइप्रसविरुद्ध सानदार जित निकालेको छ।

साइप्रसकै मैदानमा सम्पन्न खेलमा क्रोएसियाले घरेलु टिमविरुद्ध ३–० गोलको जित निकालेको हो।

एक गोलको अग्रता बनाएको समयमा मिडफिल्डर लुका मोड्रिचले पेनाल्टीको अवसरपाए पनि उनले सो अवसर सदुपयोग गर्न सकेनन्।

त्यसअघि पहिलो हाफको इन्ज्युरी समयमा मोड्रिचकै पासबाट इभान पेरिसिचले गोल गर्दै पाहुना टिमलाई अग्रता दिलाएका थिए।

विपक्षीको पोस्टर्फ खेल अवधिभरी २९ पटक प्रहार गरेको क्रोएसियाले ७१ प्रतिशत बल पोसेसन राख्दै थप २ गोल गरेर खेल जितेको हो।

जितसँगै समूह जी बाट १६ अंक जोडेको क्रोएसिया समूहको शीर्षस्थानमा छ भने साइप्रस समूहको पुछारमा छ। सोही समूहको अर्को खेलमा रसियाले स्लोभाकियालाई हराएको छ।

प्रकाशित: Oct 09, 2021| 06:53 शनिबार, असोज २३, २०७८