राष्ट्रिय फुटबल टिमका पूर्वकप्तान अनिल स्वस्तिश्री गुरुकुलको ब्रान्ड एम्वासडर

काठमाडौं– नेपाली पुरुष राष्ट्रिय फुटबल टोलीका पूर्व कप्तान अनिल गुरुङ स्वस्तिश्री गुरुकुल स्कुलको ब्रान्ड एम्वासडर बनेका छन्। 

अनिललाई बुधबार स्कुलले फुटबलको ब्रान्ड एम्बासडरमा नियुक्त गरेको हो। दीर्घकालीन सम्झौतामा स्वस्तिश्री गुरुकुलका प्रवन्ध निर्देशक मिना महर्जन चित्रकार र अनिल गुरुङले हस्ताक्षर गर्दै आदान—प्रदान गरे।

सम्झौतापछि अनिलले खेलाडीलाई दिएको यो प्लेटफर्म र स्वस्तिश्री गुरुकुलसँग जोडिन पाउँदा खुशी लागेको बताए।  गुरुकुलका रामकृष्ण अध्यक्ष चित्रकारले यहाँ फुटबलसँगै फुटसल, बास्केटबल, स्वीमिङ र टेवल टेनिसको पूर्वाधार तयार रहेको स्वस्तिश्री गुरुकुल स्पोर्ट्स एकेडेमी स्पोर्ट्स हवको रुपमा बढाउने लक्ष्य रहेको सुनाए । 

अखिल नेपाल फुटबल संघ (एन्फा) का अध्यक्ष कर्माछिरिङ शेर्पाले सोही अवसरमा स्वस्तिश्री गुरुकुल हाताभित्रै निर्माण भएको फुटसल कोर्टको उद्घाटन गरेका छन्। कार्यक्रममा शिक्षक र अभिभावकबीच मैत्रीपुर्ण खेल खेलाइँदा अभिभावक टोली १—० ले विजयी भएको छ।