ला लिगा : एट्लेटिको मड्रिडले बार्सिलोनलाई हरायो

काठमाडौं- स्पेनिस शीर्ष डिभिजनको फुटबल लिग ला लिगाको साबिक विजेता एट्लेटिको मड्रिडले बार्सिलोनाविरुद्ध जित निकालेको छ।

तलब बचाउने ध्याउन्नमा सबै महत्त्वपूर्ण खेलाडी बेचेर सिजन सुरु गरेको बार्सिलोनाले विरुद्ध एट्लेटिकोले २–० गोलको जित निकालेको हो।

एट्लेटिकोको जितका लागि थोमस लेमर र लुई सुआरेजले गोल गरेका हुन्। पछिल्लो सिजन सुआरेज बार्सिलोनाबाटै मड्रिड पुगेका हुन्। यो वर्ष पनि बार्सिलोनाले आफ्नो महत्त्वपूर्ण सदस्य एन्टोइन ग्रिजमनलाई लोनमा एट्लेटिकोमा पठाएको छ।

शनिबार राजितको जितसँगै एट्लेटिकोले ८ खेलबाट १७ अंक बनाएको छ। शीर्षस्थानको रियल मड्रिडको पनि समान १७ अंक रहेको छ। यद्यपि रियलले भने सात खेल खेलेको छ।

शनिबार रातिको खेलमा पराजित बार्सिलोनाले भने ७ खेलबाट १२ अंक जम्मा गरेको छ। बार्सिलोनाले  सिजनको पहिलो हार बेहोरेको हो।

यसअघि उसले तीन बराबरीको सामना गरिसकेको छ। शनिबार रातिकै अन्य खेलमा लेभन्टेविरुद्ध मायोर्काले जित निकालेको छ भने कार्जिड र भ्यालेन्सियाले गोलरहित बराबरी खेलेका छन्।