चेल्सीको जितमा वार्नरको पनि गोल, बराबरीमा रोकियो आर्सनल

काठमाडौं– इंग्लिस प्रिमियर लिग (ईपीएल) मा उपाधि दाबेदार चेल्सीले जित निकालेको छ। प्रिमियर लिगको शनिबार रातिको खेलमा चेल्सीले साउथह्याम्टनविरुद्ध ३–१ गोलको जित निकालेको हो।

घरेलु मैदानमा चेल्सीको जितका लागि ट्रिवोह चलोभ, टिमो वार्नर र बेन चिलवेलले गोल गरेका थिए। नवौं मिनेटमा चलोभले गोल गरेर चेल्सीलाई अग्रता दिलाए पनि ६१औं मिनेटमा पेनाल्टीको सदुपयोग गर्दै साउथह्याम्टनका वार्ड प्रोविसले १–१ को बराबरी गरेका थिए।

खेलको ७७औं मिनेटमा साउथह्याम्टनका गोलकर्ता प्राविसले रातो कार्ड पाएपछि १० खेलाडीमा समेटिएको टिमविरुद्ध चेल्सीले दुई गोल थप्यो। यससँगै उसले ईपीएलमा १६ अंक बनाएको छ।

१६ अंकसँगै ऊ शीर्षस्थानमा छ। साउथह्याम्टन १७ औं स्थानमा छ।

ईपीएलकै अर्को खेलमा आर्सनल ब्राइटोनको मैदानमा घरेलु टिमसँगै गोलरहित बराबरीमा रोकिएको छ। निर्धारित समयमा दुवै तर्फबाट गोल नभएपछि दुवै टिमले समान १–१ अंक बाँडेका छन्।

त्यो बराबरीसँगै १४ अंक बनाएको ब्राइटोन पाँचौं स्थानमा छ भने १० अंक बनाएको आर्सनल नवौं स्थानमा छ।