सुदूरपश्चिम प्रदेशसभाको आठौं अधिवेशन अन्त्य

काठमाडौं- सुदूरपश्चिम प्रदेशसभाको आठौं अधिवेशन अन्त्य भएको छ। जेठ २१ गतेदेखि सुरू भएको अधिवेशन गएराति राति १२ बजेदेखि अन्त्य भएको सभामुख अर्जुनबहादुर थापाले बताए।

सभामुख थापाले प्रदेश प्रमुखको पत्र पढेर अधिवेशन अन्त्य भएको जानकारी दिएका थिए। यस अधिवेशनमा १० वटा विधेयक पारित भएका र चार विधेयक प्रमाणीकरण भएका थिए।

सुदूरपश्चिम प्रदेश निजामती सेवाको गठन, सञ्चालन र सेवाको सर्त सम्बन्धमा व्यवस्था गर्न बनेको विधेयक, दलित सशक्तीकरणमा व्यवस्था गर्न बनेको विधेयक र प्रदेश प्रहरी सम्बन्धमा व्यवस्था गर्न बनेको विधेयक विचाराधीन अवस्थामा छन्।