आईपीएलमा पञ्जाब किंगसको अर्को जित

काठमाडौं- इन्डियन प्रिमियर लिग (आईपीएल) मा पञ्जाब किंसले अर्को जित निकालेको छ। दुवई अन्तर्राष्ट्रिय रंगशालामा शुक्रबार राति सम्पन्न खेलमा पञ्जाबले कोलकत्ता नाइट राइडर्सलाई ५ विकेटले हराएको हो।

टस हारेर ब्याटिङको निम्तो पाएको कोलकत्ताले पुरा ओभर खेल्दै सात विकेटको क्षतिमा १६५ रन बनाएको थियो।

१६६ को लक्ष्यका साथ जवाफी ब्याटिङमा उत्रिएको पञ्जाबले पाँच विकेटको क्षतिमा तीन बल बाँकी रहँदै १६८ रन बनाएर लक्ष्य पुरा गर्‍यो।

पञ्जाबका लागि कप्तान केएल राहुलले ६७ रन बनाए भने मयंक अग्रवालले ४० रन बनाए। त्यस्तै, एइडेन मकरमले पनि १८ रन जोडे।

पाञ्जाबलाई रोक्ने प्रयासमा कोलकत्ताका वरुण चक्रवर्तिले दुई विकेट लिए भने शिवम् मावी, सुनिल नयर र वेन्कटेस अयरले समान १-१ विकेट लिए।

त्यसअघि पहिले ब्याटिङमा आएको कोलकत्ताका वेन्कटेस अयरले ६७ र राहुन त्रिपतिले ३४ रन बनाए। पञ्जाबका अर्षदीप सिंहले ३ र रवि विश्नोईले दुई विकेट लिए।

यो जितसँगै पञ्जाबले १० अंक बनाएको छ। उसले प्ले अफमा जाने सम्भावनालाई कायम राखेको छ। पराजित कोलकत्ताको पनि समान १० अंक छ।