शनिबार भक्तपुरमा बागमती प्रदेशस्तरीय रग्बी प्रतियोगिता हुँदै

काठमाडौं– भोलि शनिबार भक्तपुरमा बागमती प्रदेशस्तरीय रग्बी प्रतियोगिता हुने भएको छ। नेपाल रग्बी संघको आयोजनामा एक दिने प्रतियोगिता आयोजना गरिएको हो।

देशका हरेका प्रदेशमा रग्बी गराउने उद्देश्यका साथ हुने प्रतियोगिताको पहिलो कार्यक्रम भक्तपुरमा हुन लागेको हो।

प्रतियोगितामा पुरुषतर्फ सात र महिलातर्फ तीन टिमको सहभागिता रहने छ। पुरुषतर्फ पुल १ मा चार टिम रहेका छन् भने पुल २ मा तीन टिम छन्। राउन्ड रोबिनमा हुने खेलबाट दुवै समूहका विजेता र उपविजेता सेमिफाइनलमा पुग्ने छन्।

र, फाइनल जित्नेले १५ हजार पुरस्कार पाउनेछ।

त्यस्तै, महिलातर्फ तीन टिम रहेका छन्। समूह चरणमा राउन्ड रोबिनबाट शीर्ष दुईले फाइनलमा प्रतिस्पर्धा गर्नेछ। फाइनलमा विजेता टिमले १० हजार र उपविजेताले पाँच हजार पुरस्कार पाउने छ।

प्रतियोगितामा पुरुषतर्फ काठमाडौं, नुवाकोट, काभ्रे, चितवन, मकवानपुर, रामेछाप र भक्तपुर सहभागी छन्। त्यस्तै, महिलातर्फ मकवानपुर, काठमाडौं र नुवाकोट सहभागी छन्।

विजेताका लागि कुल पुरस्कार राशी ५० हजार छुट्याइएको आयोजन नेपाल रग्बी संघले जानकारी दिएको छ। प्रतियोगिता विहान साढे ९ बजे सुरु भएर दिउँसोको साढे २ बजे सकिने छ।