'रुदाने'को ट्रेलर सार्वजनिक

विद्रोही नेता रुपचन्द्र विष्ट (रुदाने) को बारेमा बनेको चलचित्र ‘रुदाने’ को ट्रेलर सार्वजनिक भएको छ।

नेपाल समय | बिहीबार, असोज १४, २०७८

नेपाल समय

बिहीबार, असोज १४, २०७८

काठमाडौं– विद्रोही नेता रुपचन्द्र विष्ट (रुदाने) को बारेमा बनेको चलचित्र ‘रुदाने’ को ट्रेलर सार्वजनिक भएको छ। फिल्म थाहा दर्शनका अभियन्ता, दार्शनिक तथा राजनीतिज्ञ रुपचन्द्र विष्टको जीवनीमा आधारित छ। ‘रुदाने’ नाम रुपचन्द्र आफैंले राखेको उपनाम हो।

रुपचन्द्र विष्टको जीवन र संघर्षमा आधारित यो फिल्ममा विष्टको भूमिका कलाकार दिव्यदेवले निभाएका छन्। दिव्यदेवका साथै फिल्ममा नम्रता श्रेष्ठ, रवि गिरी, सुभास गजुरेल, अम्बेर सुवेदी लगायत कलाकारहरुको अभिनय छ।

फिल्ममा अमित किशोर सुवेदी र विकास ढकालको अनुसन्धान, लेखन र निर्देशन रहेको छ। दावनल क्रियसनले निर्माण गरेको फिल्मका प्रमुख कार्यकारी निर्माता जागृत रायमाझी हुन्। त्यसैगरी सहनिर्मातामा भानुभक्त थापा र सहायक निर्मातामा पदमकेशर कटुवाल र सहदेव प्रसाद सापकोटा छन्।