रसियन क्लब सिरिफिसँग रियल मड्रिड पराजित

काठमाडौं– रसियन क्लब सिरिफसँग फ्रेन्च क्लब रियल मड्रिड २–१ गोलअन्तरले पराजित भएको छ। रियलकै घरेलु मैदान सान्टियागो बर्नाबेउमा मंगलबार राति सम्पन्न खेलमा रियलले हार बेहोरेको हो।

सिरिफका जासुर्बे याक्सिवोइभ र सेबस्टियन थिलले गोल गरेपछि रियल गोलअन्तरमा पछि पर्दै हार बेहोरेको हो।

एक गोलले पछि पार्दै पेनाल्टीको अवसर पाएपछि त्यसको सदुपयोग गर्दै करिम बेञ्जेमाले गोल गरेका थिए। उनले खेलको ६५ औं मिनेटमा गोल गरेसँगै खेलमा १–१ को बराबरी भयो। पछि सेबस्टियनले निर्धारित समयको एक मिनेटअघि गोल थपेपछि खेल सिरिफको पक्षमा पर्यो।

यो जितसँगै ऊ समूह डी को शीर्षस्थानमा छ भने रियल दोस्रो स्थानमा छ। समान १–१ अंक बनाएका समूह डी कै इन्टर मिलान र शख्तर डोनोटेस्क तेस्रो र चौथो स्थानमा छ।

च्याम्पियन्स लिगअन्तर्गत बोरुसिया डर्टमन्डले स्पोर्टिङ क्लबलाई १–० गोलले हराएको छ भने आयाक्सले बसिकट्सलाई २–० गोलले हराएको छ।