रुस भर्सेस उरुग्वे र साउदी भर्सेस इजिप्टबीचको खेल शुरु

रुस- विश्‍वकप २०१८ अर्न्तगत समुह ए बाट नकआउट चरणमा पुगेका आयोजक रुस र उरुग्वे समुह विजेता बन्न प्रतिस्पर्धाको मैदनमा उत्रिएका छन् । यसअघिका दुवै खेलमा जित हासिल गरेको दुवै टोलीबीच समूह विजेताको टुंगोका लागि रुसको सामारा एरिनामा नेपाली समय अनुसार सोमबार ७:४५ बजेदेखि खेल शुरु भएको छ । 

रुसका पूर्व स्ट्राइकर आन्द्रेइ कन्चेल्स्किसले रुसी टोली अहिलेसम्मकै खराव टोलीको रुपमा टिप्पणी गरेका थिए । तर, नकारात्मक टिप्पणीलाई चिर्दै घरेलु टोलीले मोहम्मद सलाह र इजिप्टको टोलीलाई ध्वस्त पार्नु अघि सुरुआती खेलमा रुसले साउदी अरवलाई ५–० ले निराश पारेको थियो ।

उरुग्वे पनि समूहमा दुई खेलमा जित हासिल गर्दै इजिप्ट र साउदीअरब दुवै बिरुद्धको खेलमा समान १–० को जित हासिल गरेको थियो ।

त्यसैगरी भोल्गोग्रेड एरेनामा साउदी अरेबिया र इजिप्टले प्रतिस्पर्धा गरिरहेका छन् । साउदी र इजिप्ट भने एक जितसहित विश्वकप यात्रा टुंगाउन चाहन्छ ।