महन्थ ठाकुरलाई संकेत गर्दै उपेन्द्र यादव भन्छन्, सच्चिएर आए ठाउँ दिन्छौं

काठमाडौं– जनता समाजवादी पार्टीका नेता उपेन्द्र यादवले बाटो बिराएकाहरू सच्चिएर आएमा पार्टीमा उचित ठाउँ दिने बताएका छन्। 

उनले निर्वाचन आयोगमा हस्ताक्षर सनाखत गराएर फर्किने क्रममा महन्थ ठाकुर पक्षका नेताहरूलाई संकेत गर्दै भने, ‘उहाँहरु बाटो बिराएर जानुभएको हो। सच्चिएर आए पार्टीमा ठाउँ दिन्छौं।' यादवले सार्वजनिक रुपले पश्चतापसहित माफी माग्नुपर्ने पनि बताए।

आयोगले जसपाका केन्द्रीय कार्यकारिणी समितिका सदस्यलाई सनाखतका लागि डाकेपछि अध्यक्ष यादव, संघीय परिषद् अध्यक्ष बाबुराम भट्टराई, लालबाबु राउत, मोहमद इस्तियाक राईलगायत उपस्थित भएका हुन्। 

निर्वाचन आयोगले आज जसपाको आधिकारिकतासम्बन्धी विवादको टुंगो लगाउँदैछ। आयोगले जसपाको आधिकारिकता विवाद निरुपणका लागि इजलास गठन गरेको थियो। इजलासले साउन ७ गते कानुनी बहस सकेर पार्टी एकीकरण बखत संलग्न कागजातसहित उपस्थित हुन आग्रह गरेको थियो। सोहीअनुरुप जसपाका अध्यक्ष उपेन्द्र यादवपक्षका नेताहरु निर्वाचन आयोग पुगेका छन्। 

अर्का अध्यक्ष महन्थ ठाकुर पक्षले त्यसलाई रोक्न आग्रह गर्दै आयोगमा दिएको निवेदन अस्वीकार गरेको छ