स्कटल्यान्डको फुटबल टिम रेन्जर्ससँग रियल मड्रिड पराजित

काठमाडौं- स्कटल्यान्डको ग्लास्गोअन्तर्गतगको फुटबल टिम रेन्जर्ससँगै स्पेनिस टिम क्लब रियल मड्रिड पराजित भएको छ। आइतबार राति सम्पन्न प्रि सिजनको मैत्रीपूर्ण खेलमा रियल मड्रिड पराजित भएको हो।

खेलको आठौं मिनेटमा रियलका रोड्रिगोले गोल गर्दै पहिलो हाफमा एक गोलको अग्रता बनाएको थियो। खेल अवधिभर ५२ प्रतिसत समय बलमा नियन्त्रण बनाएको रियलले पिवपक्षीको पोस्टमा पाँचमात्र प्रहार गर्न सक्यो।

तर, उनसको एकबाहेकका सबै प्रयास खेर गएका थिए। यता एक गोललेपछि परेको अवस्थामा रेन्जर्सका फासिन सकलले ५५औं मिनेटमा गोल गर्दै खेललाई बराबरीमा ल्याएका थिए।

यता खेलको ७५औं मिनेटमा रियलका डिफेन्डर नाचोले रेड कार्ड पाएपछि रियल १० खेलाडीमा समेटिएको थियो। यता त्यसको फाइदा लिँदै रेन्र्जका सेड्रिस इट्टेनले दुई मिनेट नबित्तै गोल गरेका थिए।

इट्टेनको गोलसँगै रेन्जसले २–१ गोलको अग्रता बनायो र सोहि अग्रताका साथ खेल जित्यो।