काठमाडौं उपत्यकामा १० दिनलाई निषेध आदेश थप

काठमाडौं- काठमाडौं उपत्यकामा १० दिनलाई निषेध आदेश थप गरिएको छ। यसअघि एक-एक हप्ता थप हुँदै आएको निषेध आदेश पछिल्लो पटक १० दिनलाई थप गरिएको हो।

काठमाडौं, भक्तपुर र ललितपुरका प्रमुख जिल्ला अधिकारीको आइतबार बसेको संयुक्त बैठकले साउन ११ गतेदेखि लागू हुने गरी साउन २० गतेसम्मलाई निषेध आदेश थप गर्ने निर्णय गरेको हो।

काठमाडौंका प्रमुख जिल्ला अधिकारी कालीप्रसाद पराजुलीद्वारा जारी आदेशमा यसअघि खुला गरिएका क्षेत्रमा पनि स्वास्थ्य मापदण्ड कडाइका साथ लागू गर्न भनिएको छ।

थप गरिएको निषेध आदेशमा भिडभाड हुने सबै प्रकारका क्षेत्रहरु खोल्न नपाइने यसअघिका आदेशलाई निरन्तरता दिइएको छ।

त्यस्तै स्थानीय ढुवानी बिहान १ देखि  ११ बजेसम्म र अपराह्न ४ देखि ७ बजेसम्म सञ्चालन गर्न नपाइने भनिएको छ।

त्यस्तै सवारी साधनहरुमा कुल सिट क्षमताभन्दा बढी यात्रु राख्न नपाइने, मास्क अनिवार्य  र मास्क नलगाउने यात्रुलाई सवारी साधनमा निषेध गर्न आदेश गरिएको छ।

यस्तो छ काठमाडौं जिल्ला प्रशासन कार्यालयले जारी गरेको आदेश