विश्वासको मत पाएपछि मात्रै देउवालाई मोदीको बधाई

काठमाडौं- भारतीय प्रधानमन्त्री नरेन्द्र मोदीले नेपालमा नवनियुक्त प्रधानमन्त्री शेरबहादुर देउवालाई बधाई दिएका छन्।

प्रधानमन्त्री नियुक्त भएको छैटौं दिन मोदीले देउवालाई बधाई दिएका हुन्। देउवाले प्रतिनिधिसभामा विश्वासको मत पाएपछि आइतबार राति मोदीले बधाई दिँदै ट्विट गरेका हुन्। मोदीले देउवाको सफल कार्यकालको कामना पनि गरेका छन्।

विश्वासको मत पाएपछि मोदीले देउवलाई टेलिफोन गरेर पनि बधाई दिएको प्रधानमन्त्रीको सचिवालयले जनाएको छ।

यसअघि नेपालमा नयाँ प्रधानमन्त्री नियुक्त हुनेबित्तिकै भारतीय प्रधानमन्त्रीले बधाई दिने चलन थियो।

सर्वोच्च अदालतको २८ असारको परमादेशबाट देउवा २९ असारमा प्रधानमन्त्री नियुक्त भएका थिए। उनले आज आइतबार राति प्रतिनिधिसभामा विश्वासको मत पाएका छन्। 

Congratulations Prime Minister @DeubaSherbdr and best wishes for a successful tenure. I look forward to working with you to further enhance our unique partnership in all sectors, and strengthen our deep-rooted people-to-people ties.

— Narendra Modi (@narendramodi) July 18, 2021