१९ करोडको चेकसहित मिटरब्याजी पक्राउ

काठमाडौं– प्रहरीले १९ करोड रुपैयाँको चेकसहित मिटरब्याजीलाई पक्राउ गरेको छ। दोलखा मेलुङ गाउँपालिका वडा नम्बर १ का गणेश उप्रेतीलाई प्रहरीले प्रक्राउ गरेको हो।

उप्रेतीले मेलुङ गाउँपालिका वडा नम्बर ७ का प्रकाश कार्की र रामेछाप  गोकुलगंगा गाउँपालिका  वडा नम्बर १का हेमरा  गुभाजुबाट चर्को मिटर ब्याज लिएको प्रहरीले जानकारी दिएको छ। 

उप्रेतीले विभिन्न मितिमा पटक पटक गरी व्यक्तिगत कामको लागि रकम लिएर कार्कीबाट ४ करोड १६ लाख रुपैयाँ रकमको चेक र गुभाजुबाट ४ करोड १४ लाख  बराबरको चेक दिएर सोवापतको रकम माग्दै आएका थिए। चेकमा लेखेबराबरको रकम नदिएमा डर, त्रास र धाकधम्की दिई बाहिर घुमफिर गर्न बन्देज गराइएको प्रहरीले जानकारी दिएको छ। उप्रेतीले आपराधिक गिरोह समेतको प्रयोग गरी ज्यान मार्ने जाहेरी दरखास्तका आधारमा चाबहिल मित्रपार्कबाट पक्राउ गरिएको प्रहरीले जानकारी दिएको छ। 

उप्रेतीको साथबाट विभिन्न व्यक्तिका नाममा रहेको १९ करोड ४३ लाख ६१ हजार ८६० बराबरको चेक समेत बरामद गरिएको प्रहरीले जानकारी दिएको छ। उनले अन्य व्यक्तिहरुलाई समेत चर्को मिटर ब्याजमा रकम दिने गरेकोले सो सम्बन्धमा थप अनुसन्धान भइरहेको प्रहरीको भनाइ छ।