देशका केही स्थानमा भारी वर्षाको सम्भावना

मौसम पूर्वानुमान महाशाखाले आज देशका पाँच प्रदेशका केही स्थानमा भारी वर्षाको सम्भावना रहेको जनाएको छ।

नेपाल समय | बिहीबार, असार ३१, २०७८

नेपाल समय

बिहीबार, असार ३१, २०७८

काठमाडौं- मौसम पूर्वानुमान महाशाखाले आज देशका पाँच प्रदेशका केही स्थानमा भारी वर्षाको सम्भावना रहेको जनाएको छ।

प्रदेश एक, वाग्मती, गण्डकी, लुम्बिनी र सुदूरपश्चिम प्रदेशका केही ठाउँमा दिउँसो भारी वर्षा हुने महाशाखाले जनाएको छ। अहिले पनि प्रदेश एक, वाग्मती, लुम्बिनी र गण्डकी प्रदेशका केही ठाउँमा वर्षा भइरहेको छ।

राति पनि धेरै ठाउँमा पानी पर्ने सम्भावना छ। पर्सि शनिबारदेखि देशैभरको मनसुन थप सक्रिय हुने भएकाले लगातार पानी पर्ने सम्भावना रहेको छ।

पहाडी क्षेत्रमा भू–क्षय, पहिरो तथा गेग्रान बहावको जोखिम रहेको साथै नदीनाला तथा खहरे खोलाहरूमा पानीको सतह बढ्न सक्ने तथा दैनिक जीवन र यातायात क्षेत्र प्रभावित हुन सक्ने भएकोले सतर्कता अपनाउन महाशाखाले आग्रह गरेको छ।

प्रकाशित: Jul 15, 2021| 02:18 बिहीबार, असार ३१, २०७८