अमेरिकामा सहकर्मीबाटै नेपालीको हत्या

अमेरिकाको न्यूजर्सीस्थित बर्गेन काउन्टीमा एक नेपालीको गोली हानी हत्या भएको छ।

नेपाल समय | बुधबार, असार ३०, २०७८

नेपाल समय

बुधबार, असार ३०, २०७८

अमेरिकाको न्यूजर्सीस्थित बर्गेन काउन्टीमा एक नेपालीको गोली हानी हत्या भएको छ। नर्थजर्सी डटकमको समाचार अनुसार नजिकै ग्यास स्टेशनमा काम गर्ने ५६ वर्षिया फु छेवाङको हत्या भएको हो। छेवाङलाई उनकै सहकर्मी २३ वर्षिया मिलन घिमिरेले धेरै पटक गोली प्रहार गरेको प्रारम्भिक अनुसन्धानमा खुलेको छ।

घिमिरेलाई न्युयोर्क पुलिस विभागको आपतकालीन सेवा इकाईले ब्रोंक्सबाट पक्राउ गरेको छ। उनलाई हत्यासँगै गैरकानुनी हिसाबले बन्दुक राखेको अभियोगमा मुद्दा चलाउने प्रहरीको तयारी छ।

खबर अनुसार घिमिरेले आफैं ९११ मा कल गरेर हत्याको जानकारी गराएका थिए । उनले भनेका थिए, ‘मैले कसैलाई गोली हानिदिएँ। थाहा छैन, उ मर्‍यो कि मरेन।’

हत्याको कारणबारे थप अनुसन्धान भइरहेको प्रहरीले जनाएको छ ।

प्रकाशित: Jul 14, 2021| 07:49 बुधबार, असार ३०, २०७८