ओलीका प्रेस सल्लाहकारले माधव नेपालसहित २३ नेतालाई गद्दार भनेपछि...

काठमाडौं– पूर्वप्रधानमन्त्री केपी शर्मा ओलीका प्रेस सल्लाहकार सुर्य थापाले एमाले भित्रका २३ नेताको गद्दारीले सरकार ढलेको आरोप लगाएका छन्। सामाजिक सञ्जालमार्फत २३ नेताको नामा सार्वजनिक गर्दै थापाले उक्त आरोप लगाएका हुन्।

पार्टीका वरिष्ठ नेता माधवकुमार नेपालसहित २३ नेतामाथि थापाले गद्दारी गरेको आरोप लगाएका हुन्। उनले नेता नेपाललाई कांग्रेस सभापति शेरबहादुर देउवाको वैशाखी बनेको समेत आरोप लगाएका छन्।

'नेकपा एमाले र अध्यक्षको नेतृत्वको सरकार ढालेर शेरबहादुर देउवाको बैशाखी बन्ने  र पहिलो बधाई दिन आतुर माधव कु.नेपालको निम्ति त यो हर्षविभोर क्षण होला! जनादेश विपरित परमादेशबाट श्री शेबदेको प्रममा नियुक्ति हलो ताछी मुङ्ग्रो बनाएजस्तै हो', थापाले ट्विटरमा लेखेका छन्।

त्यसको तल उनले यीनै २३ को गद्दारीको परिणाम त हो! भन्दै माधव पक्षका सबै नेताको नामसमेत लेखेका छन्।

नेकपा एमाले र अध्यक्षकाे नेतृत्वको सरकार ढालेर शेरबहादुर देउवाकाे बैशाखी बन्ने र पहिलाे बधाई दिन आतुर माधव कु.नेपालकाे निम्ति त याे हर्षविभाेर क्षण हाेला!जनादेशविपरित परमादेशबाट श्री शेबदेकाे प्रममा नियुक्ति"हलाे ताछी मुङ्ग्राे बनाएजस्तै"हाे।
यिनै २३काे गद्दारीकाे परिणाम त हाे! pic.twitter.com/04jLPHmAXC

— Surya Thapa (@ThapajiSurya) July 13, 2021